शनिबार १७ कात्तिक, २०८१ | Saturday Nov 02, 2024
काठमाडौं । त्रिभुवन अन्तर्राष्ट्रिय विमानस्थलमा विदेशी सिमकार्ड बिक्री पसल सञ्चालन गर्न बोलपत्र आह्वान गरिएको छ ।
नेपाल नागरिक उड्डयन प्राधिकरणअन्तर्गतको त्रिभुवन अन्तर्राष्ट्रिय विमानस्थल नागरिक उड्डयन कार्यालय गौचरले आधिकारिक विदेशी सिमकार्ड बिक्री पसल सञ्चालन गर्न दिन बोलपत्र आह्वान गरेको हो ।
अन्तर्राष्ट्रिय टर्मिनल भवनको प्रस्थानतर्फ चेक–इन एरिया ‘बी’ तर्फ नवनिर्मित चारवटा पसलमध्ये पसल नं ७ ले ओगटेको १२.४२ वर्गकिलोमिटर क्षेत्रफलमा सिमकार्ड पसल राख्न दिइनेछ ।
खुला प्रतिस्पर्धाको माध्यमबाट भाडामा दिइने भएकाले इच्छुक व्यक्ति, संस्था वा फर्मले आजका मितिले ३० दिनभित्र बोलपत्र पेस गर्नुपर्नेछ । ३१औं दिन मध्यान्ह १२ बजे बोलपत्र खोलिने कार्यालयले जनाएको छ ।
५ वर्षका लागि उक्त पसल सञ्चालनको भाडा ४ करोड ९१ लाख २० हजार १९५ रुपियाँ तोएिको छ ।
