काठमाडौंः निजी क्षेत्रको दूरसञ्चार सेवा प्रदायक एनसेल प्राइभेट लिमिटेडले आफ्ना ग्राहकलाई दु्रतगतिको इन्टरनेट सेवा अझ सुलभ दरमा प्रदान गर्न नयाँ डेटा प्याकहरु ल्याएको छ । यो योजनाअन्तर्गत ग्राहकले कुनै पनि डेटा प्याक सुचारु गर्दा जति भोल्युमको प्याक खरिद गरेको हो त्यति नै भोल्युम बराबरको फोरजी डेटा बोनसस्वरुप प्राप्तगर्न सक्नेछन् ।
जसअनुसार करसहित न्युनतम २ पैसा प्रतिएमबी सम्ममा डेटा सेवाको मजालिन सक्नेछन् । नयाँ डेटा प्याक कुनै पनि बेला प्रयोग गर्न मिल्ने ‘अल टाइम’ प्याक र राति ११ बजेदेखि बिहान ५ बजे सम्मको समयमा प्रयोग गर्न मिल्ने ‘नाइट टाइम’ प्याकमा उपलब्ध छन् ।
जसअन्तर्गत ग्राहकले अब १ देखि ३० दिन भ्यालिडिटी भएका ३० एमबीदेखि १० हजार एमबी सम्मका डेटा प्याकहरु रु १० देखि रु एक हजार ५०० सम्मको प्याक शुल्कमा खरिद गर्न सक्नेछन् । ग्राहकले आफ्नो आवश्यकताअनुसार कुनै पनि डेटा प्याक सुचारु गर्न सक्नेछन् ।
कुनै पनि डेटा प्याक सुचारु गर्ने ग्राहकले आफूले खरिद गरेको प्याक बराबरकै फोरजी डेटा पाउने यो योजनाको प्रमुख विशेषता हो । उदाहरणका लागि रु १०० मा ५०० एमबी अल टाइम डेटा खरिद गर्दा ग्राहकले थप ५०० एमबी फोरजी डेटा बोनसस्वरुप प्राप्त गर्नेछन् । यस योजनाअन्र्तगतका प्याकहरु ग्राहकले टुजी, थ्रिजी र फोरजी कुनै पनि नेटवर्कमा प्रयोग गर्न सक्छन् भने बोनस स्वरुपप्राप्त थप फोरजी डेटा फोरजी नेटवर्कमा मात्र मान्य हुनेछ ।
अल टाइम डेटा प्याकअन्तर्गत ग्राहकले रु १० मा ३० एमबी डेटा प्राप्त गर्नेछन् । यो प्याक सुचारु गर्ने ग्राहकले ३० एमबी फोरजी डेटा बोनसस्वरुप प्राप्त गर्नेछन् । यसरी ग्राहकले रु १० मा ६० एमबी डेटाको मजालिन सक्नेछन् । त्यस्तै अरु अल टाइम डेटा प्याकअन्तर्गत ग्राहकले रु ३० मा १०० एमबी, रु ५० मा २०० एमबी र रु ७० मा २५० एमबी लिन सक्नेछन् र सोही भोल्युम बराबरको फोरजी डेटाको मजालिन सक्नेछन् ।
साथै ठूलो भोल्युमको अल टाइम डेटा प्याक अन्तर्गत, ग्राहकले रु १०० मा ५०० एमबि, रु ३०० मा एक हजार २५० एमबी, रु ५०० मा दुई हजार ५०० एमबी र रु एक हजार ५०० मा १० हजार एमबी डेटा प्राप्त गर्नेछन् र यसका साथै खरिद गरिएको भोल्युम बराबरकै फोरजी डेटा बोनस स्वरुप प्राप्त गर्नेछन् ।
नाइट भोल्युम प्याक सुचारु गर्ने ग्राहकले सोही मूल्यमा अल टाइम डेटा प्याक भन्दा चार गुणा बढी डेटा भोल्युमको मजालिन सक्नेछन् । यसका साथै नाइट प्याक सुचारु गर्ने ग्राहकले सोही डेटा भोल्युमबाहेक त्यति नै भोल्युमको फोरजी डेटा बोनसस्वरुप प्राप्त गर्नेछन् । जस्तै रु एक हजार ५०० मा ४० हजार एमीब नाइट प्याक सुचारु गर्ने ग्राहकले थप ४० हजार एमबी फोरजी डेटा बोनस प्राप्त गर्नेछन् र न्युनतम २ पैसा प्रति एमबीमा डेटा सेवाको मजालिन सक्नेछन् ।
यो योजना यही भोलि बुधबारदेखि ९० दिनको लागि लागु हुनेछ र फोरजी बोनस ३० दिनका लागि मान्य हुनेछ । डेटा प्याकहरुको उल्लेखित सबै शुल्कहरु कर सहितका हुन् । सुलभ दरमा दु्रतगतिको इन्टरनेटको मजाको लागि एनसेलका ग्राहकले एस्ट्रिस्क१७१२३ह्यास डायल गरी प्राप्त निर्देशनअनुसार आफ्नो आवश्यकताअनुसारको डेटा प्याक सुचारु गर्न सक्नेछन् ।
अल टाइम प्याक सुचारु गर्न ग्राहकले आफ्नो आवश्यकताअनुसारको प्याक भोल्युम टाइप गरि १७१२३ मा एसएमएस पठाउन सक्नेछन् । त्यस्तै नाइट टाइम प्याक सुचारु गर्न ग्राहकले आफ्नो आवश्यकताअनुसारको प्याक भोल्युम र अंग्रेजीमा ठूलो ‘एन’ टाइप गरी १७१२३ मा एसएमएस पठाई यो डेटा प्याक सुचारु गर्न सक्नेछन् । एनसेल एपबाट पनि डेटा प्याकहरु सुचारु गर्न सकिनेछ ।
पहिलो पटक जेठ १८ मा काठमाडौं उपत्यका (नगरकोट सहित), बनेपा र धुलिखेलमा फोरजी सेवा संचालनमा ल्याएपश्चात एनसेलले तदारुकताका साथ यो सेवा विस्तार गर्दै आइरहेको जनाएको छ । हाल एनसेलको फोरजी सेवा देशको विभिन्न १९ शहरमा उपलब्ध छ ।
एनसेलले सन् २०१८ को अन्त्य सम्ममा ४० शहरहरुमा यो सेवा विस्तार गर्र्दैै ग्राहकलाई दु्रतगतिको मोवाइल ब्रोडब्याण्डले ल्याउने नयाँ अवसरहरुबाट लाभ पुर्याउने र डिजिटल नेपाल निर्माणमा योगदान पुर्याउने लक्ष्य लिएको छ ।
