लोडसेडिङ तालिका अब कहिल्यै नआउने बताएको प्राधिकरणले फेरि निकाल्यो सुचना

nea-notice

काठमाडौंः नेपाल विद्युत प्राधिकरणले लोडसेडिङको समस्या सदाका लागि समाधान गर्न आफूहरु सफल भएको भन्दै लोडसेडिङ तालिका अब ननिकाल्ने बताए पनि फेरि सुचना निकालेको छ ।

लोडसेडिङ व्यवस्थापनमा सफलता पाएपछि प्राधिकरणका कार्यकारी निर्देशक कुलमान घिसिङले गत बर्ष अब लोडसेडिङ तालिका सदाका लागि बन्द भएको सार्वजनिक अभिव्यक्ति दिएका थिए । यद्यपि पछिल्लो समयमा ग्राहस्थ उपभोक्तादेखि उद्योगहरुले लोडसेडिङ बढेको भन्दै गुनासो गर्दै आएका छन् । प्राधिकरणले भने यसलाई लोडसेडिङ नभएर प्राविधिक समस्या भन्दै आएका छन् ।

united

पछिल्लो पटक निकालिएको सुचना औद्योगिक ग्राहकहरुका लागि हो । यद्यपि यो लोडसेडिङ बढेको नभई लोडसेडिङको समय तालिका परिवर्तनसँग सम्वन्धित सुचना हो । औद्योगिक ग्राहकहरुलाई घोषितरुपमा पहिलेदेखि तीन घण्टा लोडसेडिङ र केही स्थानमा अघोषितरुपमा एकदेखि दुई घण्टा लोडसेडिङ गर्दै आएको प्राधिकरणले ढल्केबरदेखि भरतपुरसम्मका औद्यागिक ग्राहकलाई बेलुकी ६ बजेखि ९ बजेसम्म र ढल्केबरदेखि पूर्वक्षेत्र, भरतपुरक्षेत्र पश्चिम क्षेत्र र नेपाल सरकारको औद्योगिक क्षेत्रका ग्राहकको लागि बेलुकी साढे पाँचदेखि साढे आठ बजेसम्मको लोडसेडिङ तालिकाको सुचना निकालेको हो ।