काठमाडौं । एनएमबि बैंकले ३ अर्ब रुपैयाँको ऋणपत्र जारी गर्ने भएको छ । ऋणपत्रले ‘इक्रा एनपी एलए माइनस’ रेटिङ पाएको छ । यो रेटिङले न्यून कर्जा जोखिम र लगानीका लागि सुरक्षित रहेको जनाउँछ ।
यस्तै, बैंकले यसअघि जारी गरेको ५० करोड रुपैयाँ बराबरको ऋणपत्रको पनि पुनः रेटिङ गराएको छ । पुनः रेटिङ गर्दा यस ऋणपत्रले पनि ‘इक्रा एनपी एलए माइनस’ रेटिङ पाएको छ ।
एनएमबि बैंकले हालै १० प्रतिशत बोनस सेयर र २० प्रतिशत नगद लाभांश दिएको थियो । बोनस सेयर वितरणपछि बैंकले पुँजी ९ अर्ब ६१ करोड ८१ लाख ६२ हजार रुपैयाँ पुर्याएको छ । पछिल्लो समय बैंकहरुले लगानीका लागि अतिरिक्त पुँजी जुटाउन ऋणपत्र जारी गर्ने क्रम बढेको छ ।