बिहीबार २२ कात्तिक, २०८१ | Thursday Nov 07, 2024
काठमाडौं । नयाँ सत्ता गठबन्धनका चार दलबीच आठ बुँदे सहमति भएको छ । नेकपा एमाले, माओवादी केन्द्र, राष्ट्रिय स्वतन्त्र पार्टी र जनता समाजवादी पार्टीबीच यस्तो सहमति भएको हो ।
सहमति अनुसार राष्ट्रियसभाको अध्यक्ष माओवादीले लिनेछ भने उपाध्यक्ष एमालेले लिनेगरी भागबण्डा गरिएको छ । मन्त्रालयको भागबण्डा आपसी सहमतिमा गर्ने उनीहरुले बताएका छन् ।
सहमतिपत्रमा मन्त्रालय बाँडफाँट गर्दा मन्त्रालयहरुको विशेषताका आधारमा वर्गीकरण गरी मिलाउने, नयाँ संयुक्त सरकार गठन प्रक्रियामा सकारात्मक अन्य दलहरुसँग सम्वाद अघि बढाउने, साझा न्यूनतम कार्यक्रम बनाउने, चार दलबीच संक्रमणकालीन न्यायसम्बन्धी विधेयक र शान्ति प्रक्रिया सहमतिका आधारमा अबिलम्ब टुंगाउने, संघीयता कार्यान्वयनसँग सम्बन्धित बाँकी कानुन निर्माण गरी सबै तलका सरकारलाई प्रभावकारी बनाउने उल्लेख ।
सुशासन र विकासको जनताको चाहनाका लागि यस्तो गठवन्धन गर्नुपरेको जिकिर गर्दै उनीहरुले राजनीतिक स्थायित्वका लागि अघि बढ्न पनि यस्तो गठवन्धन जरुरी रहेको औंल्याएका छन् ।
