आइतबार १८ कात्तिक, २०८१ | Sunday Nov 03, 2024
काठमाडौं । साताको अन्तिम दिन आज शेयर बजारले ओरालो झरेर बिश्राम लिएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार २७.८४ अंकले घटेको हो । १.३२ प्रतिशतले बजार घट्दा नेप्से परिसूचक २०८०.८७ अंकमा झरेको छ ।
आज ३०३ कम्पनीका १ करोड १४ लाख ८३ हजार ६ सय १७ कित्ता शेयर किनबेच हुँदा ३ अर्ब ९४ करोड ३५ लाख ९२ हजार ३ सय ३.१३ रुपियाँ बराबरको कारोबार भएको छ ।
समग्रमा बजार घटे पनि वीन नेपाल लघुवित्त, मानुषि लघुवित्त र गुराँस लघु वित्तका लगानीकर्ताहरुले क्रमशः १०, १० र ९.९२ प्रतिशतले नाफा कमाएका छन् ।
त्यस्तै स्वाभिमान लघुवित्तका लगानीकर्ताहरुले सबैभन्दा बढी ६.०२ प्रतिशतले घाटा व्यहोरेका छन् ।
आज अपर तामाकोशी हाइड्रोको उच्च कारोबार भएको छ । उक्त कम्पनीको ५० करोड ८९ लाख ८ हजार ९९.६० रुपियाँ बराबरको कारोबार भएको नेप्सेले जनाएको छ ।
साताको पहिलो दिन आइतबार २२.१० अंकले बजार उचालिंदा २ अर्ब ९२ करोड २७ लाख ७१ हजार ५ सय ५८.९१ रुपियाँ, मंगलबार ५८.५८ अंकले बजार बढ्दा ४ अर्ब ५५ करोड १६ लाख ३२ हजार ३ सय ४७.८२ रुपियाँ र हिजो बुधबार २.४८ अंकले बजार घट्दा ४ अर्ब २४ करोड ८५ लाख २३ हजार ३ सय ३२.२२ रुपियाँ बराबरको कारोबार भएको थियो । सोमबार भने सार्वजनिक बिदाका कारण बजार बन्द रहेको थियो ।
