शनिबार १७ कात्तिक, २०८१ | Saturday Nov 02, 2024
काठमाडौं । नयाँ वर्ष २०८१ को अवसर पारेर पोकर रनको १४औं संस्करण आयोजना हुने भएको छ । उक्त कार्यक्रमको प्रायोजकमा रोयल इनफिल्ड मोटरसाइकल रहेको छ ।
स्याफ्रेड समीटको आयोजनामा हुने पोकर रन चैत ३० गते काठमाडौं टूरिजम बोर्डबाट सुरु हुने छ । क्लासीक मोटरसाइकल प्रेमिहरुले नेपाली नयाँ वर्षलाई स्वागत गर्दै महान उत्सवको रुपमा मनाउन उक्त पोकर रन कार्यक्रम आयोजना गर्दै आएका छन् । पोकर रन काठमाडौंदेखि पोखरासम्मको हुनेछ भने यो राइडमा रोयल इनफिल्डका मोटरसाइकल चालक मात्र सहभागी हुन पाउने छन् ।
यस राइडको मूख्य रमाइलो पक्ष भनेको पोकर खेल हो । पोकर भन्नाले ताससंग सम्बन्धित एक किसिमको खेललाई बुझाउँछ। पोकर खेलमा पाँच पत्ति तास हातमा लिएर अनेकौं दाउ बनाउन सकिन्छ । पोकर रनमा पनि प्रत्येक सहभागीलाई विभिन्न पाँच ठाउँमा एक–एक पत्ति तास तान्ने मौका प्रदान गरिन्छ । अन्तिममा पोखरा पुगेर उक्त पाँच पत्ति तास मिलाउँदा जसको दाउ सबै भन्दा ठूलो बन्छ, त्यो नै यस कार्यक्रमको विजेता मानिन्छ । उसलाई विभिन्न कम्पनीद्वारा प्रायोजित विशेष उपहार प्रदान गरिन्छ ।
यस पटकको पोकर रन नेपाल कार्यक्रममा नेपाल, भारत, अस्ट्रेलिया, न्यूजिल्याण्ड, संयुक्त अधिराज्य क्यानडा, संयुक्त राज्य अमेरिका, फ्रान्स लगायत संसारका विभिन्न देशबाट आएका मोटरसाइकल यात्री सम्मिलित १५० को हाराहारीमा सहभागीहरु हुने आयोजकले विज्ञप्ति मार्फत जनाएको छ ।
