शुक्रबार ४ जेठ, २०८१ | Friday May 17, 2024
काठमाडौं । विशाल ग्रुपले नेपाल पुनर्बीमा कम्पनीमा रहेको आफ्नो ११ लाख कित्ता संस्थापक शेयर बेच्ने भएको छ । सोहीअनुसार पुनर्बिमा कम्पनीले ग्रुपको स्वामित्वमा रहेको ११ लाख कित्ता संस्थापक शेयर लिलामीमा राखेको छ ।
यो शेयरमा विद्यमान संस्थापक, जोकोही व्यक्ति तथा संघसंस्थाले खरिद आवेदन दिन पाउनेछन् ।
न्यूनतम मूल्य प्रतिकित्ता २८० रुपियाँ तोकिएको यस शेयरमा खरिदकर्ताले कम्तीमा न्यूनतम मूल्य वा सोभन्दा बढी मुल्य कबोल गरी गोप्य शिलबन्दी बोलपत्र पेस गर्नुपर्नेछ ।
बोलपत्र पेस गर्दा न्यूनतम दुई लाख कित्ता र अधिकतम सबै कित्ताका लागि आवेदन दिन सकिनेछ ।
इच्छुक लगानीकर्ताहरूले यही वैशाख २६ गतेसम्म आवेदन दिनुपर्नेछ ।
आवेदन दिँदा बिक्री प्रबन्धक एनआईसी एशिया क्यापिटल लिमिटेड, चौथो तल्ला, ट्रेड टावर भवन, थापाथली–११, काठमाडौंमा दिनुपर्नेछ ।
बोलपत्र फाराम पनि सोही स्थानमा पाइने कम्पनीले जनाएको छ ।
