शनिबार १७ कात्तिक, २०८१ | Saturday Nov 02, 2024
काठमाडौं । सिद्धार्थ प्रिमियर इन्स्योरेन्सले लिलामीमा ल्याएको संस्थापक शेयरको बोलपत्र आज खोलिँदैछ ।
कम्पनीले वैशाख १७ गतेदेखि जेठ ३ गतेसम्म दरखास्त आह्वान गरी पाँच लाख ९० हजार १८७ कित्ता संस्थापक शेयर लिलामीमा ल्याएको थियो ।
सो शेयरमा विद्यमान संस्थापक, जोकोही व्यक्ति, कम्पनी वा संघसंस्थाले खरिद आवेदन दिन पाउने व्यवस्था थियो ।
न्यूनतम मूल्य प्रतिकित्ता १७० रुपियाँ तोकिएको कम्पनीको शेयरमा खरिदकर्ताले न्यूनतम मूल्य वा सोभन्दा बढी मूल्य कबोल गरी गोप्य शिलबन्दी बोलपत्र पेस गर्नुपर्ने सर्त थियो ।
उक्त शेयरको बोलपत्र बिहान साढे १० बजे खोलिने बिक्री प्रबन्धक एनआईसी एशिया क्यापिटलले जनाएको छ ।
बोलपत्र थापाथली, काठमाडौंमा रहेको ट्रेड टावरको चौथो तलामा रहेको एनआईसी एसिया क्यापिटलको मुख्यालमा खोलिनेछ ।
