शनिबार १७ कात्तिक, २०८१ | Saturday Nov 02, 2024
काठमाडौं । सूर्योदय वोमी लघुवित्तले संस्थापक शेयर बिक्रीमा ल्याएको छ ।
लघुवित्तले विभिन्न पाँच जना संस्थापक शेयरधनीको स्वामित्वमा रहेको १ लाख ५० हजार ८०१ कित्ता संस्थापक सेयर बिक्रीमा ल्याएको हो ।
हाल यस शेयरमा लघुवित्तका विद्यमान संस्थापक शेयधनीले मात्रै खरिद आवेदन दिन पाउनेछन् । इच्छुक संस्थापक शेयरधनीहरूले आजका मितिले ३५ दिनभित्र आवश्यक कागजातसहित ललितपुर महालक्ष्मीमा रहेको कर्पोरेट कार्यालय वा शेयर रजिष्ट्रार कुमारी क्यापिटलमा निवेदन दिनुपर्नेछ ।
सो समयभित्र संस्थापक शेयरधनीबाट खरिद आवेदन नपरेको खण्डमा अन्य व्यक्ति तथा कम्पनीलाई शेयर बिक्री गर्ने प्रक्रिया अघि बढाइने लघुवित्तले जनाएको छ ।
