शनिबार १७ कात्तिक, २०८१ | Saturday Nov 02, 2024
काठमाडौं । सिद्धार्थ क्यापिटल लिमिटेडले डिम्याट (हितग्राही) खातावालालाई वार्षिक नवीकरण शुल्क तिर्न भनेको छ ।
कम्पनीले सिद्धार्थ क्यापिटल तथा सिद्धार्थ बैंकका शाखा कार्यालयमा डिम्याट खाता खोली धितोपत्र कारोबार गर्दै आएका खातावालालाई नवीकरणबापतको शुल्क तिर्न भनेको हो ।
डिम्याट खातावालाले प्रत्येक आवको १०० रुपियाँका दरले वार्षिक नवीकरण शुल्क तिर्नुपर्ने प्रावधान रहेअनुसार असार मसान्तभित्र शुल्क तिर्नुपर्नेछ ।
शुल्क सिद्धार्थ क्यापिटल तथा सिद्धार्थ बैंकका सम्पूर्ण शाखा कार्यालय वा इसेवा, आईएमई-पे, खल्ती, प्रभु-पे वा कनेक्ट आईपीएस जस्ता विद्युतीय भुक्तानी माध्यमबाट शुल्क तिर्न सक्नेछन् ।
साथै, शुल्क भुक्तानी नगरेका खातावालाको डिम्याट खाता शुल्क नतिरेसम्मका लागि रोक्का गरिने पनि कम्पनीले जनाएको छ ।
