शनिबार १७ कात्तिक, २०८१ | Saturday Nov 02, 2024
काठमाडौं । युनाइटेड अजोड इन्स्योरेन्सले करिब ५० हजार कित्ता संस्थापक शेयर बिक्रीमा ल्याएको छ ।
कम्पनीले शेयरधनीको स्वामित्वमा रहेको कुल ४९ हजार ७०५ कित्ता संस्थापक शेयर बिक्रीमा ल्याएको हो ।
हाललाई यो शेयर कम्पनीका कायम संस्थापक शेयरधनीले मात्रै खरिद गर्न पाउनेछन् । शेयरको मूल्य प्रतिकित्ता २४० रुपियाँ तोकिएको छ ।
शेयर खरिद गर्न इच्छुक शेयरधनीले ३५ दिनभित्र सुन्धारा, काठमाडौंमा रहेको कम्पनीको प्रधान कार्यालयमा आफूले खरिद गर्न चाहेको शेयर विवरण खुलाई निवेदन दिनुपर्नेछ ।
साथै, तोकिएको समयभित्र संस्थापक शेयरधनीहरूबाट आवेदन नपरेमा उक्त शेयर अन्य व्यक्ति वा संस्थाहरूलाई बिक्री गरिने कम्पनीले जनाएको छ ।
