आइतबार १८ कात्तिक, २०८१ | Sunday Nov 03, 2024
ओखलढुंगा । गए रातिदेखि परेको अविरल वर्षा सँगै आएको पहिरोले घर र गोठ पुरिँदा एक जनाको ज्यान गएको छ । दुई गम्भीर घाइते भएका छन् ।
ओखलढुंगाको चिशंखुगढी गाउँपालिका–५ थुम्कीका ३९ वर्षीय बाबुराम खत्रीको ढुङ्गा माटोले बनेको कच्ची घर पुरिँदा उनकी श्रीमती ३५ वर्षीय देव कुमारी खत्रीको घटनास्थलमै ज्यान गएको हो ।
पहिरोमा परि खत्री आफै र १८ वर्षीय छोरी मेनुका खत्री गम्भीर घाइते भएकी जिल्ला प्रहरी कार्यालय ओखलढुङ्गाका प्रहरी निरीक्षक विजय कार्कीले बताए ।
घाइतेहरूको उद्धार गरी उपचारका लागि अस्पताल पठाइएको प्रहरी निरीक्षक कार्कीको भनाइ छ । पहिरोमा पुरिएका तीन वटा भैँसी र १४ वटा बाख्राको जीवितै उद्धार गरिएको छ ।
