‘गृह मन्त्रालय नरममा अति नरम र गरममा अति गरम हुन्छ’
शनिबार १५ असार, २०८१ | Saturday Jun 29, 2024
‘गृह मन्त्रालय नरममा अति नरम र गरममा अति गरम हुन्छ’
काठमाडौं । गृहमन्त्री रवि लामिछानेले लागुऔषधको समस्या विकराल भएको बताएका छन् । बुधवार लागुऔषध ओसारपसार बिद्धको अन्तर्राष्ट्रिय दिवसको कार्यक्रमा उनले लागुऔषधको समस्या विकराल भएकोकुरा गृहमन्त्री भएपछि झनै बढी महशुस गरेको बताए ।
लागुऔषधको दुव्र्यसनीमा युवाहरुलाई फसाइदिइसकेपछि त्यो देशको दुर्गती शुरु हुने भन्दै लामिछानेले सबै मिलेर यसको नियन्त्रणमा लाग्नुपर्ने बताए । उनले देशमा रोजगारी नपाएर विदेश गएका कतिपय युवाहरु लागुऔषधको दुव्र्यसनीमा फसेको बताए ।
लामिछानेले लागुऔषधको दुव्र्यसनी नियन्त्रणका लागि चलिरहेका अभियानहरुमा पनि कतिपयले इमान्दारितापूर्वक काम नगरेको बताए । गृह मन्त्रालय नरममा अति नरम र गरममा अति गरम हुने उनको तर्क छः लागुऔषध बेचबिखन गर्नेहरुलाई सरकारले कुनैपनि हालतमा नछोड्ने लामिछानेले बताए ।
उनले सिनेममा देखाए झैँ लागुऔषधको प्रयोग नगर्न आग्रह गर्दै जीवन तीन घण्टाको सिनेमा नभएको बताए । आफ्ना अभिभावको दुःखलाई हेरेर आफ्ना व्यवहार अघि बढाउन उनले आग्रह गरे ।
लामिछानेले भने, ‘लागुऔषधको समस्या विकराल भएको कुरा मैले पदभार ग्रहण गरेपछि अझ बढी महशुस गरेँ । लागुऔषधको दुव्र्यसनीमा युवाहरुलाई फसाइदिइ सकेपछि त्यो देशको दुर्गति शुरु हुन्छ । युवाहरु देशमा रोजगारी नपाएर विदेश गएका छन्, कयौँ, लागुऔषधको दुव्र्यसनीमा फसेका छन् । यसका लागि जनचेतनामुलक कार्यक्रमहरु पनि चलेका छन् । प्रहरीले पक्राउ गर्ने, रिहाव सेन्टरमा लिने, बिक्री वितरण गर्नेहरुलाई पक्राउ गर्ने कुरा निरन्तर चलिरहेको नै छ । तर यो निरन्तर चलिरहँदा दुव्र्यसनीको संख्या पनि निरन्तर बढी नै रहेको छ ।’
मन्त्री लामिछानेले मधेसमा मात्र नभइ पहाडी जिल्लाहरुमा समेत लागुऔषधको दुव्र्यसनी फैलिएको बताए । उनले लागुऔषधको दुव्र्यसनी नियन्त्रणका लागि गृह मन्त्रालयले विशेष कार्यक्रम बनाउन लागेको बताए ।
