शुक्रबार २१ असार, २०८१ | Friday Jul 05, 2024
काठमाडौं । अहिले देशभर साधारणदेखि पूर्णतया बदली रहेको छ । बागमती गण्डकी र लुम्बिनी प्रदेशका केही स्थानमा तथा कोशी, मधेश, कर्णाली र सुदूरपश्चिम प्रदेशका थोरै स्थानमा चट्याङसहित हल्कादेखि मध्यम वर्षा भइरहेको जल तथा मौसम विज्ञान विभागले जनाएको छ ।
विभागका अनुसार देशभर मनसुनी वायुको प्रभाव रहेको छ । सोही कारण दिउँसो देशैभर साधारणदेखि पूर्णतया बदली रहनेछ भने अधिकांश स्थानमा चट्याङसहित हल्कादेखि मध्यम वर्षा हुनेछ ।
साथै कोशी, बागमती, गण्डकी, लुम्बिनी र सुदूरपश्चिम प्रदेशका थोरै स्थान तथा कर्णाली प्रदेशका एक-दुई स्थानमा भारी वर्षाको पनि सम्भावना रहेको विभागले जनाएको छ ।
बागमती, गण्डकी र लुम्बिनी प्रदेशका एक-दुई स्थानमा धेरै भारी वर्षासमेत हुनेछ ।
त्यसैगरी राति साधारणदेखि पूर्णतया बदली रहनेछ । देशका केही स्थानमा हल्कादेखि मध्यम वर्षाको सम्भावना रहेको छ ।
बागमती, गण्डकी र सुदूरपश्चिम प्रदेशका थोरै स्थानमा भारी वर्षा हुने विभागको पूर्वानुमान छ ।
