शनिबार १७ कात्तिक, २०८१ | Saturday Nov 02, 2024
काठमाडौं । उतारचढावका बीच आज पनि बजार झिनो अंकले बढेर रोकिएको छ । नेप्से थोरै उचालिए पनि कारोबार रकम भने ५ अर्ब नाघेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ३.७९ अंकले बढेको छ । ०.१८ प्रतिशतले बजार बढ्दा नेप्से २१०४.२२ अंकमा पुगेको छ ।
बजार झिनो अंकले बढ्दा बैंकिङ, विकास बैंक, वित्त, लगानी र ट्रेडिङ समूह बढ्दा बाँकी राताम्मे भएएका छन् । ट्रेडिङ समूह सबैभन्दा बढी ६.१२ प्रतिशतले बढ्दा उत्पादनमूलक समूह सबैभन्दा बढी १.०७ प्रतिशतले घटेको छ ।
आज ३१४ कम्पनी १ करोड ७१ लख ३४ हजनार ८२ कित्ता शेयर किनबेच हुँदा ५ अर्ब ८ करोड ३५ लाख २८ हजार ९ सय ३५.१७ रुपियाँ बराबरको कारोबार भएको हो ।
विभिन्न ४ कम्पनीका लगानीकर्ताहरुले ९ प्रतिशत नाफा कमाएका छन् । सेन्ट्रल फाइनान्स, आईसीएफसी फाइनान्स, गुहेश्वरी मर्चेन्ट र मञ्जुश्री फाइनान्सका लगानीकर्ताहरुले क्रमशः १०, १०, ९.९८ र ९.८६ प्रतिशतले नाफा कमाएका छन् ।
त्यस्तै चिरख्वा हाइड्रोका लगानीकर्ताहरुले सबैभन्दा बढी ४.७० प्रतिशतले घाटा व्यहोरका छन् ।
आज मञ्जुश्री फाइनान्सको उच्च कारोबार भएको छ । उक्त कम्पनीको २३ करोड १ लाख ७७ हजार ७ सय ७४.३० रुपियाँ बराबरको कारोबार भएको नेप्सेले जनाएको छ ।
साताको पहिलो आइतबार बजार १४.८३ अंकले घट्दा ३ अर्ब ६० करोड ७१ लख ९८ हजार ४ सय ७।६६ रुपियाँ, सोमबार १६.२९ अंकले बजार बढ्दा २ अर्ब ९९ करोड ९९ लाख ६५ हजार २१.५३ रुपियाँ र हिजो मंगलबार ४७.०४ अंकले बजार बढ्दा ४ अर्ब ५७ करोड ६८ लाख ३१ हजार ७ सय २०.०९ रुपियाँ बराबरको कारोबार भएको थियो ।
