काठमाडौं । समता घरेलु लघुवित्त र मनकामना स्मार्ट लघुवित्तले आज (असार २४) देखि एकीकृत कारोबार गर्दैछन् ।
बनेपा–७ काभ्रेपलान्चोकमा केन्द्रीय कार्यालय रहेको समता घरेलु र सिद्धार्थनगर–५ रुपन्देहीमा केन्द्रीय कार्यालय रहेको मनकामना स्मार्ट लघुवित्तलाई आपसमा गाभिन गत जेठ २९ गते अन्तिम स्वीकृति दिइएको थियो ।
मर्जरपछि बनेको कम्पनीको केन्द्रीय कार्यालय काभ्रेको बनेपा–७ मा रहने बताइएको छ ।
एकीकृत कारोबार सुरु हुने अघिल्लो दिन अर्थात् दुवै वित्तीय संस्थाको डाटा माइग्रेस गर्न हिजो (असार २३ गते) दुवै संस्थाको कारोबार बन्द रहेको थियो ।