शनिबार १७ कात्तिक, २०८१ | Saturday Nov 02, 2024
चितवन । पहिरोका कारण अवरुद्ध बनेको पृथ्वी राजमार्ग एकतर्फी खुलेको भएको छ ।
इलाका प्रहरी कार्यालय मुग्लिनका अनुसार चितवनको इच्छाकामना–३ मौवाखोला नजिकै आज बिहान पहिरो खस्दा राजमार्गमा दुईतर्फी नै यातायात आवागमन रोकिएको थियो ।
अहिले पहिरो पन्छाइ एकतर्फी यातायात सञ्चालनमा ल्याएको इलाका प्रहरी कार्यालयका प्रहरी निरीक्षक निरला भण्डारीको भनाइ छ ।
उनका अनुसार आवागमन दुईतर्फी नै सञ्चालन गर्न केही समय लाग्नेछ ।
निरन्तर वर्षा भइरहेकाले पहिरो पन्छाउन समस्या भएको जनाइएको छ । सो राजमार्गमा दैनिक कति सवारीसाधन आवतजावत हुन्छन्र भन्ने यकिन जानकारी सरकारी निकायसंग छैन ।
