आइतबार ६ असोज, २०८१ | Sunday Sep 22, 2024
काठमाडौं । संघीय संसद्अन्तर्गत आज तीन समितिको बैठक बस्दैछ । जसअन्तर्गत महिला तथा सामाजिक मामिला; शिक्षा, स्वास्थ्य तथा सूचना प्रविधि र संघीयता सबलीकरण तथा राष्ट्रिय सरोकार समिति बस्न लागेको हो ।
महिला तथा सामाजिक मामिला समितिको बैठक बिहान ११ बजे बस्नेछ ।
बैठकमा राज्यको मूलप्रवाहमा मधेसी समुदायको समावेशीताको अवस्था र यस सम्बन्धमा आयोगले खेल्दै आएको भूमिकाका विषयमा छलफल हुनेछ ।
त्यस्तै, शिक्षा समितिको बैठक पनि ११ बजे नै बस्नेछ ।
बैठकमा विद्यालय शिक्षासम्बन्धी कानुनलाई संशोधन र एकीकरण गर्न बनेको विधेयकमाथि संशोधनकर्तासँग छलफल गरिने सम्भावित कार्यसूची छ ।
त्यसैगरी संघीयता सबलीकरण तथा राष्ट्रिय सरोकार समितिको बैठक बिहान साढे ११ बजेका लागि बोलाइएको छ ।
बैठकमा समितिको कार्य प्रभावकारिताका लागि उपसमिति गठनका विषयमा छलफल गरिने कार्यसूची रहेको छ ।
