शुक्रबार १६ कात्तिक, २०८१ | Friday Nov 01, 2024
काठमाडौं । एनआईसी एशिया डाइनामिक डेप्ट फन्डले लाभांश वितरण गर्ने भएको छ ।
योजना व्यवस्थापक तथा डिपोजिटरी एनआईसी एशिया क्यापिटलको साउन १६ गते बसेको सञ्चालक समितिको बैठकले डाइनामिक डेप्ट फन्डका इकाइधनीलाई १० प्रतिशत प्रतिफल वितरण गर्ने निर्णय गरेको हो ।
फन्डको गत आर्थिक वर्ष २०८०/८१ को लेखापरीक्षण सम्पन्न भइसकेको छ ।
एनआईसी एशिया म्युचुअल फन्डअन्तर्गत सञ्चालित उक्त खुलामुखी योजनाको कोष प्रवर्द्धक एनआईसी एशिया बैंक रहेको छ ।
कम्पनीले लाभांश वितरण प्रयोजनार्थ साउन १७ गते (आज) बुक क्लोज गर्ने निर्णय गरेको छ । अतः साउन १६ गतेसम्म कायम इकाइधनीले मात्रै प्रतिफल पाउनेछन् ।
त्यसैगरी, सो फन्डका इकाइधनीले लाभांशपछि समायोजित मूल्यमा पुनः लगानी योजनामार्फत थप इकाइ खरिद गर्न सकिने कम्पनीले जनाएको छ । यसका लागि साउन ३२ गतेभित्र नाम दर्ता गराउनुपर्नेछ ।
