शुक्रबार १६ कात्तिक, २०८१ | Friday Nov 01, 2024
काठमाडौं । ट्रेकिङ एजेन्सिज एसोसिएसन अफ नेपाल (टान) का नवनियुक्त अध्यक्ष सागर पाण्डेले पदबहाली गरेका छन् ।
आज पदबहाली कार्यक्रमा बोल्दै अध्यक्ष पाण्डेले टानका निवर्तमान अध्यक्ष नीलहरि बाँस्तोला र कार्यसमितिले सुरु गरेका काम तथा गर्न बाँकी रहेका कामहरु निरन्तरता दिने बताए । साथै पर्यटनलाई थप चलायमान बनाउने उनले बताए ।
उनले भने, ‘म टानको महासचिवको पदमा रहेर आफनो कार्यकल सम्हालिसकेको ९ वर्षपछि अध्यक्ष पदभार ग्रहण गर्न पाउँदा मलाई थप उर्जा मिलेको छ । व्यवसायको हकहित समग्र नेपालको पर्यटनको विकासमा के गर्न सकिन्छ ? त्यसमा पनि हाम्रो कार्यसमिति लाग्ने छौं ।’
टानका निवर्तमान अध्यक्ष नीलहरि बाँस्तोलाले नवनियुक्त अध्यक्षसहित नयाँ कार्यसमितिलाई टानलाई अझ राम्रो, व्यवस्थित तरिकाले अघि लैजाने र आफूूबाट हुन् सक्ने सहयोग र साथ सधै रहने बताए ।
टानको ४६औं वार्षिक साधरणसभाबाट अध्यक्षमा सागर पाण्डे, सोनाम ग्यल्जेन शेर्पा, वरिष्ठ उपाध्यक्षमा कर्मा शेर्पा, प्रथम उपाध्यक्षमा विष्णुप्रसाद लम्साल र द्वितीय उपाध्यक्षमा सनम शेर्पा, सचिव पदमा रिञ्जी जाङबु शेर्पा, कोषाध्यक्षमा गौतम राज वाग्ले र सहकोषाध्यक्षमा लाक्पा तेम्बा शेर्पा निर्वाचित भएका थिए । त्यस्तै, कार्यसमिति सदस्यमा पवित्रा तामाङ अम्बिर बहादुर गुरुङ, विनोद तामाङ, होम बहादुर विश्वकर्मा, फुर्पु छिरिङ ल्होमी (भोटे) निर्वाचित भएका थिए ।
