बुधबार २ असोज, २०८१ | Wednesday Sep 18, 2024
काठमाडौं । भाटभटेनी सुपस्टोरले चितवनको टाँडीमा देशकै ठूलो सुपरस्टोर निर्माण गर्ने भएको छ ।
उक्त सुपरस्टोरका भाटभटेनीका अध्यक्ष मीनबहादुर गुरुङले बुधबार पूजा गरी उक्त सुपरस्टोरको शिलान्यास गरेका हुन् । डेढ अर्ब लगानीमा निर्माण हुने यो स्टोर दुई वटा भवनमा निर्माण हुने र तीन लाख २२ हजार वर्गफिट ठूलो हुने गुरुङले बताएका छन् ।
भाटभटेनीको टाँडी निर्माण हुने यो सुपरस्टोर २८औं हो । यसअघि उक्त कम्पनीले पोखरामा पनि यस्तो स्टोर निर्माणको शुभारम्भ गरेको थियो । चार विघा क्षेत्रफलमा बन्ने नयाँ भवनमा भूमिगत पार्किङदेखि बैंकको शाखा, फुडकोर्ट, सिनेमाहलसम्मको सुविधा हुनेछ ।
टाँडी पर्यटकीय क्षेत्र सौराहा जाने नाका पनि हो । भाटभटेनीले सौराहा आउने पर्यटकका साथै तीब्र शहरीकरण हुँदै गएको टाँडी क्षेत्रलाई लक्षित गरी सुपरस्टोर खोल्न लागेको देखिन्छ ।
