शनिबार १७ कात्तिक, २०८१ | Saturday Nov 02, 2024
काठमाडौं । नेपाल बैंक लिमिटेडले नयाँ ब्याजदर सार्वजनिक गरेको छ ।
बैंकले असोज १ गतेदेखि लागू हुने गरी विभिन्न खातामा ब्याजदर बढाएको हो ।
बैंकले असोज महिनाका लागि मुद्दती निक्षेपमा व्यक्तिगततर्फ ५.९५ प्रतिशत, संस्थागततर्फ ४.९५ प्रतिशत अधिकतम र रेमिट्यान्सतर्फ ६.९५ प्रतिशत ब्याजदर तोकेको छ ।
भदौमा भने बैंकले व्यक्तिगततर्फ ५.२५ प्रतिशत र संस्थागततर्फ ४ प्रतिशत तथा रेमिट्यान्सतर्फ ६.२५ प्रतिशत ब्याजदर तोकेको थियो ।
त्यस्तै, बैंकले साधारण बचत खातामा भने न्यूनतम ३.०१ प्रतिशतदेखि अधिकतम ५.०१ प्रतिशत ब्याजदर कायम गरेको छ ।
यता बैंकले कर्जातर्फको ब्याजदर भने घटाएको छ । भदौमा बैंकको आधारदर ७.८७ प्रतिशत रहेकामा असोजका लागि ७.५४ प्रतिशतमा झारेको छ ।
