शुक्रबार १६ कात्तिक, २०८१ | Friday Nov 01, 2024
काठमाडौं । यती एअरलाइन्सले दशैं, तिहार तथा छठ पर्वलाई लक्षित गरेर विभिन्न उपहार योजना सार्वजनिक गरेको छ । ‘यतीसँग, उत्सवको उमङ्ग’ योजना घोषणा गर्दै भाग्यशाली यात्रुहरूलाई बम्पर उपहार स्वरूप स्कुटर, हिराको चेन र फ्रिज प्रदान गर्ने कम्पनीले जनाएको छ ।
‘लक्की ड्र’ मार्फत भाग्यशाली बिजेताहरूले बम्पर उपहारका साथै हरेक महिना एक जनाले एअरबड्स र हरेक हप्ता एक जनाले आकर्षक गिफ्ट ह्याम्पर जित्न सक्ने यती एअरलाइन्सले प्रेस विज्ञप्ती मार्फत जनाएको छ ।
चाडपर्वको अवसरमा हवाई यात्रालाई हर्षोल्ला मय बनाउन र यात्रुहरूको विश्वास, माया र सहयोगको लागि कृतज्ञता दर्शाउन विगतका वर्षहरूमा जस्तै यस वर्ष पनि उपहारहरूको व्यवस्था गरेको यती एअरलाइन्सले विज्ञप्तीमा उल्लेख गरेको छ ।
यो योजना २ महिना ९असोज २२ गतेदेखि मंसिर २१ गते० सम्म लागू हुनेछ । यस समयावधिभित्र यती एअरलाइन्स मार्फत उडान भर्नुहुने सम्पूर्ण यात्रुहरूमध्येबाट बिजेताहरू छानिने यती एअरलाइन्सले जनाएको छ । मासिक तथा साप्ताहिक पुरस्कारको बिजेताहरू भने यतीको सोसल मिडियाहरूमा नियमित पोस्ट हुनेछ ।
मुख्य उपहार प्रायोजकमा सिट्रोन रहेको छ, जसले बेनेली पानारिया १२५ सीसी स्कुटर प्रायोजन गरेको छ । त्यस्तै अन्य उपहार प्रयोजकहरुमा रद्धिसिद्धि डायमण्ड (डायमण्ड चेन), पालसोनिक (१९० लि फ्रिज), नथिङ्ग (सिएमएफ बड्स प्रो) र आइविवि (गिफ्ट ह्याम्पर) रहेका छन् ।
