शुक्रबार १६ कात्तिक, २०८१ | Friday Nov 01, 2024
काठमाडौं । सानिमा जिआईसी इन्स्योरेन्स लिमिटेडले संस्थापक समूहको कुल ११ लाख ३ हजार ४०५ कित्ता लिलामी शेयरमा आवेदन दिने आज (असोज ५) अन्तिम दिन रहेको छ ।
कम्पनीले असोज २३ गतेदेखि उक्त शेयर बिक्रीमा राखेको थियो ।
इच्छुक खरिदकर्ताले आजसम्म कम्पनीको रजिस्टर्ड कार्यालय टंगाल काठमाडौंमा गोप्य शिलबन्दी पेस गर्नुपर्नेछ ।
प्रतिकित्ता न्यूनतम २५० रुपियाँ तोकिएको यो शेयर संस्थापक शेयरधनी, अन्य व्यक्ति, संघसंस्थाले बोलकबोल प्रक्रियाबाट खरिद गर्न सक्नेछन् । सबैभन्दा बढी मूल्य कबोल गर्नेलाई शेयर बिक्री गरिने कम्पनीले जनाएको छ ।
शेयर खरिद गर्दा न्यूनतम ७ हजार कित्ता र अधिकतम सबै कित्ताका लागि आवेदन दिन सकिनेछ ।
