काठमाडौंः नविलदेखि मेगा बैंकको प्रमुख कार्यकारी अधिकृत (सिइओ) भइसकेका अनिल शाह नबिल बैंकमा डेपुटी सिइओ नियुक्त भएका छन् । विहीबार बसेको बैंक सञ्चालक समितिले उनलाई स्थायी दरबन्दीको सेवा सुविधा पाउनेगरी उनलाई डेपुटी सीईओ नियुक्त गरेको हो ।
यसअघि गत पुस १३ गते नविल बैंकले शाहलाई सिइओ नियुक्तसँगै नेपाल राष्ट्र बैंकले छ महिनाको कुलिङ पिरियड लागू गरेपछि उनको नियुक्ति बदर गर्न बैंक बाध्य भएको थियो ।
उनलाई सोझै नियुक्त गर्न नमिलेपछि बैंकले स्थायी दरबन्दीमा नियुक्त गरेको हो भने उनी पनि डेपुटी सिइओ हुन तयार भएका हुन । राष्ट्र बैंकको नयाँ परिपत्रअनुसार एउटा बैंकको सिइओ छोडेपछि अर्कोमा नियुक्त हुन छ महिना कुनुपर्ने हुन्छ । डेपुटी सिइओबाट अब उनलाई सिइओमा नियुक्त गर्न बाधा पर्ने छैन ।
