काठमाडौं । माछापुच्छ्रे बैंक लिमिटेडले देशभर आफ्नो शाखा विस्तार गरि बैंकिङ्ग पहुँच बढाउने उद्देश्यले इलाम र म्याग्दीमा २ शाखा रहित सेवा सञ्चालनमा ल्याएको छ । बैंकले इलामको साँखेजुङ्ग र म्याग्दीको रघुगंगा गाँउपालिका स्थित राखु भगवतीमा थप दुई शाखा रहित बैकिङ्ग सेवा संचालनमा ल्याएको छ । यी दुवै स्थानका शाखा रहित सेवा केन्द्रहरुबाट खाता खोल्ने, रकम जम्मा गर्ने र झिक्ने, रेमिटेन्स भूक्तनी, साथै कर्जा आवेदन गर्ने समेत व्यवस्था गरेको छ । उक्त शाखाहरु संगै माछापुछ्रेको शाखा रहित बैंकिङ्ग सेवाको संख्या २९ पुगेको छ ।
बैंकले पुर्वमा झापा देखि पश्चिममा कन्चनपुर साथै हिमाल देखि पहाड, र तराईसम्म आफ्ना ८६ वटा शाखाहरु, दुई वटा एक्स्टेन्सन काउन्टरहरु लगायत २९ शाखा रहित बैकिङ्ग सेवा समेत गरी जम्मा ११७ स्थानबाट ग्राहक महानुभावहरुमा सम्पुर्ण बैंकिङ्ग सुबिधा प्रदान गरीरहेको छ । साथै, बंैकको देशभर ९९ वटा एटीएमहरु सञ्चालनमा रहेको छ ।
बैंकले नेपालमै पहिलो पटक तुरुन्त (रियल टाइममा) खाता खोल्ने व्यवस्था गरेको छ भने चिपमा आधारित डेबिट कार्ड पनि तुरुन्त उपलब्ध गराएको छ ।
