राजश्व छली नियन्त्रणमा आक्रामकताः दशैंको मुखैमा साढे पाँच अर्बको मुद्दा

काठमाडौं । राजश्व अनुसन्धान विभागलाई प्रधानमन्त्री तथा मन्त्रिपरिषदको कार्यालय अन्तर्गत ल्याएर दीर्घराज मैनालीलाई त्यसको कमाण्ड सुम्पिए पछि राजश्व छल्नेहरुको सात्तो गएको छ । त्यसको पछिल्लो उदाहरण हो तीन दिनकै अवधीमा राजश्व छल्ने विभिन्न व्यवसायी विरुद्ध साढे पाँच अर्ब विगो दावीसहित मुद्धा दायर हुनु । २०७५ साल जेठ २७ गतेदेखि राजश्व अनुसन्धान विभागको नेतृत्वमा रहेका मैनालीले त्यसबिचमा राजश्व छलीका अरबौं मुद्धा अदालत पुर्याईसकेका छन् । 

असोज २५, २६ र २८ गतेको अवधीमा पाँच अर्ब ५४ करोड २१ लाख रुपैयाँ बराबरको बिगो दावी गरि मुद्धा दायर गरिएको छ । विभागले असोज २५ गते एक अर्ब ७१ करोड ५६ लाख रुपैयाँ विगो दावी गरेर न्युन बिजकीकरण, भ्याट छली तथा अर्काको नाममा कम्पनी खोली अनधिकृत कारोबार गर्नेहरु विरुद्ध मुद्धा हाल्यो । त्यसको भोली पल्टै अर्थात असोज २६ गते पुनः २ अर्ब ३९ करोड ५५ लाख रुपैयाँ बराबरको विगो दावी गरिएको मुद्धा दायर भयो । यसमा सुनचाँदीको अबैध कारोबारी तथा तस्करहरु सामेल थिए ।

असोज २८ गते आईपुग्दा विभागले पुनः एक अर्ब ४३ करोेड १० लाखको मुद्धा हाल्यो । जसमा भन्सार छल्ने, अवैध चोरी पैठारी गर्ने तथा विदेशी मुद्रा अपचलनका अभियुक्त छन् । 

यता, वीरगञ्ज महानगरपालिका १० आदर्शनगर र काठमाडौँ सौल्टीमोड बसोबार गर्ने नक्कली नेपाली नागरिकता समेत बनाएका रजनिशकुमार गुप्ता र चितवन खैरहनी घर भएका राज थापा भन्ने राजेन्द्र थापा समेत ९ जनाले भारतीय ट्रकमा फल्स बटम(छुट्टै नदेखिने क्वाबिन कोठा) बनाई भन्सार चोरी पैठारी गरी राजश्व चुहावट गरेको कसुरमा १३ करोड ८३ लाख १ हजार ५ सय ५३ रुपियाँ माग दाबी सहित आज नै उच्च अदालत पाटनमा मुद्दा दर्ता गरिएको विभागले जनाएको छ । 

त्यस्तै, विभागले हाइटेक इन्टरनेशनल प्रालिका सञ्चालक हरिकुमार श्रेष्ठले भन्सार बिन्दुबाट मालबस्तु पैठारी गर्दा यथार्थ कारोबार नदेखाई राजश्व चुहावट गरेको पाइएपछि उक्त बिगो असुल उपर गरी बिगोको ३ गुणासम्म जरिवाना र ३ वर्ष कैद सजायसमेत माग दाबी गरी काठमाडौँ जिल्ला अदालतमा मुद्दा दायर गरेको हो । 

त्यसैगरी, झुट्टा तथा नक्कली मूल्य अभिबृद्धी कर बिजक प्रयोग गरी राजश्व चुहावट गरेको कसुरमा विभिन्न फर्महरुका सञ्चालक, प्रोप्राइटर र मुख्य अभियुक्तहरु बिरुद्ध २३ करोड २२ लाख बिगो दाबी सहित उच्च अदालत पाटनमा २ वटा मुद्दा दायर गरेको छ । 

ललितपुर जिल्लाको महालक्ष्मी नगरपालिका १ स्थित मनिष ट्रेडिङ कन्सर्नका मुख्य कारोबार किशोरी यादवसमेत ३ जनाबाट १३ करोड २५ लाख ८८ हजार २ सय ६३ रुपियाँ बिगो दाबीसहित मुद्दा दायर गरिएको विभागले जनाएको छ । उक्त फर्मले निम्न आर्थिक अवस्था भएका विभिन्न व्यक्तिको नाममा फर्म दर्ता गरी वस्तु तथा सेवा एउटा आयात तथा खरिद देखाई अर्कै मालवस्तुको नक्कली बिजक मात्र बिक्री गरी मूल्य अभिबृद्धि कर र आय कर समेतको राजश्व चुहावट गरेको पाइएको विभागले जनाएको छ । 

त्यसैगरी, झुट्टा नक्कली मूल्य अभिबृद्धि कर बिजक प्रयोग गरी राजश्व छली गर्ने बारा जिल्ला रामपुर टोकनी स्थित साहारा एण्ड खातुन ट्रेडर्सका प्रोप्राइटर कविरन खातुनबाट ९ करोड ९६ लाख ५४ हजार ७ सय ६१ रुपियाँ बिगो दाबी सहित उच्च अदालत पाटनमै मुद्दा दायर गरिएको छ । उता, भन्सार चोरी पैठारी गरेका मालवस्तुहरुको भुक्तानीका लागि गैरकानूनी रुपमा विदेशी मुद्रा अपचलन गर्ने जेएसएस मोबाइल कलेक्सन एण्ड सर्भिसेज प्रालि र श्याम इम्पेक्सका सञ्चालक मोहन वंशल र गोविन्द वंशललाई ८५ करोड ९५ लाख २२ हजार ७ सय २७ रुपियाँको बिगो दाबी सहितलाई काठमाडौँ जिल्ला अदालतमा मुद्दा दर्ता गरिएको छ । 

भारतको मधुवनी जिल्ला जयनगर भेलुवाटोला १५ ठेगाना भएका भारतीय नागरिक विकासकुमार साह, धनुषा जिल्लाको जनकपुरधाम उपमहानगरपालिका ५ स्थित शिव ज्वेलर्सका प्रोप्राइटर निर्मलकुमार सिंघानिया समेत ३ जनाले सुनचाँदीको भन्सार चोरी पैठारी तथा निकासी गरी राजश्व चुहावट गरेको विभागको अनुसन्धानबाट खुलेको थियो । राजश्व चुहावट गर्नेहरु विरुद्ध उच्च अदालत जनकपुर अस्थायी इजलास वीरगञ्जमा ३५ करोड ५५ लाख १३ हजार ३ सय ३ रुपियाँ माग दाबी सहित मुद्दा दर्ता गरिएको हो । 

वीरगञ्ज महानगरपालिका १० आदर्शनगर र काठमाडौँ सोल्टीमोड बसोबास गर्ने नक्कली नेपाली नागरिकता समेत बनाएका रजनिशकुमार गुप्ता र चितवन खैरहनी घर भएका राज थापा भन्ने राजेन्द्र थापा समेत ९ जनाले भारतीय ट्रकमा फल्स बटम(छुट्टै नदेखिने क्वाबिन कोठा) बनाई भन्सार चोरी पैठारी गरी राजश्व चुहावट गरेको कसुरमा १३ करोड ८३ लाख १ हजार ५ सय ५३ रुपियाँ माग दाबी सहित नै उच्च अदालत पाटनमा मुद्दा दर्ता गरिएको छ । 

ना ६ ख ५२५८ नम्बरको सिमेन्ट बोकेर आएको ट्रकमा बिना बिलबिजक भारतीय कपडाहरु लुकाईछिपाई भन्सार चोरी पैठारी गरी राजश्व चुहावटको कसुर गरेको अभियोगमा उनै भारतीय नागरिक गुप्ता र चितवन खैरहनीका थापासमेत ५ जनालाई ७ करोड ७७ लाख ४८ हजार १ सय ७८ रुपियाँ माग दाबीसहित उच्च उदालत पाटनमा मुद्दा दायर गरेको हो ।