बुधबार ९ असोज, २०८१ | Wednesday Sep 25, 2024
काठमाडौंं । राष्ट्रिय सभा सदस्य निर्वाचनका लागि सोमबार मनोनयन दर्ता भइसकेको छ ।
आज मंगलबार भने दाबीविरोध र उजुरीको कार्यतालिका रहेको छ । सोमबार मनोनयन दर्ता गरेका उम्मेदवारविरुद्ध मंगलबार दाबीविरोध र उजुरी दिन सकिने निर्वाचन आयोगले जनाएको छ ।
आयोगको कार्यतालिका अनुसार २५ र २६ गते जाँचबुझ गरी उम्मेदवारको नामावली प्रकाशन हुनेछ । २७ गते नाम फिर्ता लिन चाहने उम्मेदवारको नाम फिर्ता र उम्मेदवारको अन्तिम नामावली प्रकाशन हुनेछ ।
त्यस्तै, पुस २८ गते बिहान १० देखि दिउँसो १ बजेसम्म उमेदवारलाई निर्वाचन चिह्न प्रदान गरिने पनि आयोगले जनाएको छ ।
माघ ११ गते राष्ट्रिय सभामा रिक्त १९ पदका लागि सदस्य चुन्न मतदान हुनेछ । मतदान सकिएपछि सोही दिन मतगणना गरिने आयोगको भनाइ छ ।
