मङ्गलबार २७ कात्तिक, २०८१ | Tuesday Nov 12, 2024
काठमाडौं । शेयर बजार आज पाँचौ दिन पनि बढेको छ । गत साताको विहीबारदेखि नै बजार उकालो लागिरहेको हो ।
यसैक्रममा आज बजार १५.५४ अंकले बढेको छ । ०.७३ प्रतिशतले बजार बढ्दा नेप्से परिसूचक २१३१.४९ अंकमा उक्लिएको छ ।
आज बैंकिङ समूहमा लगानीकर्ता झुम्मिएका छन् । बैंकिङ, विकास बैंक, होटल र म्युचुअल फण्ड क्रमशः ४.२३, ०.३३, १.९० र ०.३६ प्रतिशतले बढेका छन् भने बाँकी समूह राताम्मे भए ।
नेप्सेका अनुसार आज ३१८ कम्पनीका १ करोड ४४ लाख १९ हजार ५ सय २१ कित्ता शेयर किनबेच हुँदा ५ अर्ब ६९ करोड ७६ लाख ८० हजार ९ सय १२.८० रुपियाँ बराबरको कारोबार भएको छ ।
आज दुई कम्पनीमा पोजेटिभ सर्किट लागेको छ । सामुदायिक लघुवित्त र बुद्धभूमि नेपाल हाइड्रोका लगानीकर्ताले १०–१० प्रतिशतले कमाएका हुन् ।
त्यस्तै मानुषी लघुवित्तका लगानीकर्ताहरुले सबैभन्दा बढी ८.०५ प्रतिशतले घाटा व्यहोरेका छन् ।
आज नेरुडे मिर्मिरे लघुवित्तको उच्च कारोबार भएको छ । उक्त कम्पनीको २४ करोड ४२ लाख ८० हजार ४ सय १३.७० रुपियाँ बराबरको कारोबार भएको हो ।
साताको पहिलो दिन आइतबार नेप्से ४५.६९ अंक उचालिंदा ५ अर्ब २५ करोड १० लाख रुपियाँ, सोमबार बजार २७.५४ अंकले उचालिंदा ५ अर्ब ८५ करोड ४३ लाख ५४ हजार २ सय १२.१९ रुपियाँ र हिजो मगंलबार २३.९४ अंकले बजार बढ्दा ५ अर्ब २० करोड ६२ लाख ८ हजार १ सय ११.५६ रुपियाँ बराबरको कारोबार भएको थियो ।
