मङ्गलबार २० कात्तिक, २०८१ | Tuesday Nov 05, 2024
काठमाडौं । भारतमा १८औं लोकसभा चुनावको परिणामले नरेन्द्र मोदीकाे नेतृत्वमा सरकार बन्ने स्पष्ट संकेत गरेको छ । कुल ५४२ सिटमध्ये भाजपा नेतृत्वको एनडीएले २९२ सिट र कांग्रेस नेतृत्वको आईएनडीआईएले २३३ सिट प्राप्त गरेको छ । जसमा भाजपाले मात्रै २४० सिट जितेको छ । अर्थात् यो बहुमत अंक (२७२) भन्दा ३२ सिट कम हो ।
बीजेपीले सन् २०१४ मा २७८ सिट र २०१९ मा ३०३ सिट जितेको थियो ।
यसैबीच सरकार गठनको तयारी सुरु भएको छ । एनडीएले आज सरकार गठनको दाबी पेश गर्न सक्नेछ । उसले आजै आफ्ना कार्यकर्ताको बैठक बोलाएको छ ।
यता प्रधानमन्त्री नरेन्द्र मोदीले बिहारका मुख्यमन्त्री नितिश कुमार र टीडीपी नेता चन्द्रबाबु नायडूलाई भेटवार्ताका लागि बोलाएका छन् ।
अर्कोतर्फ राष्ट्रपति भवनमा सपथग्रहणको तयारी सुरु भएको छ । आज साँझ दिल्लीमा आईएनडीआईए गठबन्धनको बैठक पनि बोलाइएको छ ।
पत्रकार सम्मेलनमा राहुल गान्धीले यस बैठकमा थप रणनीतिबारे छलफल हुने बताएका छन् ।
निर्वाचन आयोगको वेबसाइटका अनुसार बिहान २ बजेसम्म भाजपाले २४०, कांग्रेसले ९९, एसपी ३७, टीएमसी २९, डीएमके २२, टीडीपी १६, जेडीयू १२, शिव सेना यूटीबी ९, एनसीपी शरद पवार ७, आरजेडी लोक जनशक्ति पार्टीले ७ मत प्राप्त गरेका छन् । ४ सिट, रामविलासले ५ सिट र शिवसेना शिन्देले ७ सिट जितेका छन् ।
भाजपाले मध्य प्रदेश, दिल्ली, हिमाचल प्रदेश, उत्तराखण्ड, अरुणाचल प्रदेश, त्रिपुरामा क्लिन स्वीप गरेको छ ।
