आइतबार २० असोज, २०८१ | Sunday Oct 06, 2024
काठमाडौं । राकुराले आज आफ्नो ५ दशकभन्दा बढीको अनुभवमा आधारित नेक्स्ट जेनरेसन चिया उत्पादनहरू लन्च गरेको छ । जसले नेपालको चिया उद्योगमा नयाँ मापदण्ड स्थापित गर्नुका साथै विश्वमा नेपाली चियालाई नयाँ उचाई दिनेगरीको फड्को मारेको जनाएको छ ।
राकुराले आफ्नो क्रान्तिकारी ‘म्याजिक नट’ टि–ब्याग सार्वजनिक गरेको छ– जुन विश्वकै पहिलोमध्ये एक अत्याधुनिक ‘ट्यान्डेम एयर–नटेड’ प्रविधि प्रयोग गरेर बनाइएको छ । यो नयाँ गैर–ताप सिल (नन् हिट सिल) गरिएको, दुई खण्ड भएको चियाको थैलीको डिजाइनले विश्वकै पहिलोमध्ये एक र नेपालको एकमात्र पूर्ण प्लास्टिक र ग्लु मुक्त टि–ब्याग हुने छ ।
उक्त प्रविधि र नयाँ अत्याधुनिक, अनब्लिच्ड फिल्टर कागज (जसमा क्लोरिन, एपिक्लोरोहाइड्रिन र अन्य हानीकारक पदार्थहरू छैनन्) ले नयाँ उत्पादनलाई उत्कृष्ट स्वच्छ स्वादको चिया अनुभव प्रदान गर्दछ ।
म्याजिक नट चियाको थैलीमा विश्वकै पहिलो प्रमाणित जैविक, अनब्लिच्ड धागो जस्ता नवीनताहरू पनि समावेश छन्– जसले गैर–जीएमओ कपास र हानिकारक रसायनहरू नभएको सुनिश्चित गर्दछ, साथै अपडेट गरिएको इजी–होल्ड ट्यागहरू समात्न बढी आरामदायक छन् र फुड ग्रेड कागज र मसीबाट बनेका छन् ।
चिया उद्योगमा ५ दशकभन्दा बढीको अनुभवमा आधारित, राकुराले पछिल्लो जुस रड्स प्रविधिको विकासका साथ आफ्नो सबै चियाहरुलाई विश्वकै पहिलोमध्ये एक पूर्ण प्राकृतिक तथा प्रमाणित जैविक, चिया इन्फ्युजनहरू मात्र हुने पनि घोषणा गरेको छ ।
कम्पनीले २१ नयाँ प्रकारका चियाहरू पनि उत्पादन गरेको छ ।
