आइतबार २३ भदौ, २०८१ | Sunday Sep 08, 2024
काठमाडौं । एनआईसी एशिया बैंकले आफ्नो स्वामित्वमा रहेको नेपाल इन्फ्रान्ट्रक्चर बैंक (निफ्रा) को १० लाख कित्ता संस्थापक शेयर लिलाम बिक्रीमा राखेको छ ।
प्रतिकित्ता न्यूनतम १०१ रुपियाँ निर्धारण गरिएको सो शेयर विद्यमान संस्थापक शेयरधनी, सर्वसाधारण वा संघसस्थाले खरिद गर्न पाउनेछन् । शेयर खरिदका लागि बोलकबोल गर्दा घटीमा पाँच हजार कित्ता र बढीमा सम्पूर्ण कित्ताका लागि आवेदन दिन सकिनेछ ।
इच्छुक लगानीकर्ताले बिक्री प्रबन्धक एनआईसी क्यापिटल लिमिटेड, ट्रेड टावर, थापाथली काठमाडौं वा एनआईसी बैंकको कर्पोरेट कार्यालय तथा शाखा कार्यालय विराटनगर मोरङ, आदर्शनगर वीरगन्ज, महेन्द्रपुल पोखरा, श्रवणपथ बुटवल, हस्पिटल लाइन धनगढी र वीरेन्द्रनगर सुर्खेतमा गोप्य शिलबन्दी बोलपत्र पेस गर्नुपर्नेछ ।
बोलपत्र फाराम पनि सोही स्थानमा पाइनेछ ।
बोलपत्र आज साउन ८ गतेदेखि साउन १५ गतेसम्म पेस गरिसक्नुपर्नेछ ।
