आइतबार २३ भदौ, २०८१ | Sunday Sep 08, 2024
काठमाडौं । नेशनल लाइफ इन्स्योरेन्सले लाभांश प्रस्तावसहित वार्षिक साधारणसभा आह्वान गरेको छ ।
सभा, भदौ ७ गते कम्पनीको केन्द्रीय कार्यालय लाजिम्पाटमा बिहान साढे १० बजेदेखि सुरु हुनेछ ।
कम्पनीले सभामा अघिल्लो आर्थिक वर्षको नाफाबाट ४ प्रतिशत बोनस शेयर र कर सहित १०.७४ प्रतिशत नगद लाभांश वितरण गर्ने प्रस्ताव पेस गर्नेछ ।
साथै, सभाले आर्थिक वर्ष ०७९/८० को वार्षिक एवं लेखापरीक्षकको प्रतिवेदन, वासलात, नाफानोक्सान हिसाब, नगद प्रवाहलगायतका वित्तीय विवरण छलफल गरी पारित गर्नेछ । त्यस्तै, आव ०८०/८१ का लागि लेखापरीक्षक नियुक्त गरी निजको पारिश्रमिक निर्धारण पनि सभाले गर्नेछ ।
सभा तथा लाभांश वितरण प्रयोजनार्थ कम्पनीले साउन २४ गते बुक क्लोज गर्ने भएको छ ।
साउन २३ गतेसम्म कायम शेयरधनी मात्र सभामा भाग लिन र प्रस्तावित लाभांश पाउन योग्य हुनेछन् ।
