सुनचाँदी ब्यवसायीद्वारा भन्सार दर समायोजन गर्न अर्थमन्त्री पौडेलसँग आग्रह

काठमाडौं । नेपाल सुनचाँदी ब्यवसायी महासंघको पूतिनिधीमण्डलले उपप्रधान एवं अर्थमन्त्री विष्णु पौडेलसँग भेटगरी भन्सार दर समायोजन गर्न आग्रह गरेको छ । 

महासंघका कार्यवाहक अध्यक्ष दियेशरत्न शाक्यको नेतृत्वमा २०८१ साउन ९ गते बुधबार गएको महासंघको प्रतिनिधी मण्डलले सिंहदरबार स्थित उहाँकै कार्यकक्षमा भारत सरकारले बजेट मापर्फत भन्सार दर घटाएपछि नेपालमा परेको प्रभावका बिषयमा जानारी गराउँदै नेपालमा पनि सोही अनुरुप हुनेगरी भन्सार दर समायोजन गर्न आग्रह गरेको थियो । 

नेपाल र भारत बीच खुल्ला सिमानाका भएकोले दुई देश बीचको भन्सार दर बीच असन्तुलन हुँदा अबैघ कारोबारले प्रोत्साहन पाउन सक्ने भएकोले नेपालमा हालm कायम रहेको भन्सार दर घटाई भारतीय बजार सँग नजिक हुनेगरी निमान गर्नुपर्ने आवश्यकता महासंघले उठाएको हो । 

त्यसक्रममा अर्थमन्त्री पौडेलले ब्यवसायीले राखेका मागलाई आफरुले गंभिर रुपमा लिएको बताउँदै आश्वयक अध्ययन पश्चात उचित निर्णय लिइने आश्वासन दिए । । मन्त्री पौडेलसँगको भेटका क्रममा ब्यवसायीहरुले सुनको आयतमा कोटा बृद्धि गर्नुपर्ने, बर्षभरी हुने आयातलाई सिलिङ मानेर बजारको माग र आवश्यकताका आधारमा एउटा महिनाको सुन बर्ष भरीमा जुन सुकै महिना पनि ल्याउन पाउनुपर्ने, सुनचाँदीको गरगहना आयातमा भएको ब्यवस्थलाई प्रभावकारी वनाइनुपर्ने, चाँदी आयातको सिमा बृद्धि गरिनुपर्ने लगायतमा माग राखेका थिए । 

ब्यवसायीले राखेमा अन्य मागमा कच्चा सुन आयातमा २० प्रतिशत भन्सार लागू गरिएको सन्दर्भमा तयारी गहना आयातमा यो भन्दा बढी भन्सार लागू हुनु पर्नेमा सार्क राष्ट्रबाट आयात गर्दा ९ दशमलव ५ प्रतिशत मात्र कायम भएकोले यसले अत्यधिक सुनका गहना आयात हुनसक्ने भएकोले एकातिर राष्ट्रको लागि न्यून भन्सार शुल्कबाट बार्षिक अरबौं रुपियाँको क्षति हुने सक्ने र अर्काेतिर देश भित्र सुनचाँदी व्यवसाय क्षेत्रले प्रत्यक्ष अप्रत्यक्ष उपलब्ध गराएको लाखौंको रोजगारी धरापमा पर्ने भएकोमा यसमा पुनरावलोनक गर्नुपर्ने छ । 

यस्तै कच्चा चाँदीमा १५ प्रतिशत भन्सार लागू हुँदा तयारी चाँदीका गहना आयात गर्दा सो भन्दा कम क्रमशः ६ प्रतिशत र १० प्रतिशत (सार्क राष्ट्र भित्र  वा बाहिरी राष्ट्र बाट) कायम भएकोले यसले पनि राष्ट्रको लागि भन्सार आय र स्वदेशी कालीगढको रोजगारीमा बृहत रूपमा नकारात्मक प्रभाव पार्ने भएकोले सुनका गहना आयातमा न्यूनतम २५ प्रतिशत र चाँदीका गहना आयातमा न्यूनतम २० प्रतिशत भन्सार कायम गर्न आवश्यक देखिन्छ । साथै वहुमुल्य वस्तुहरुमा विलासी कर लगाउने ब्यवस्था गरिए र अहिलेको अवस्थामा त्यो समेत समय सान्दर्भिक नभएको ब्यवसायीको भनाई छ ।