काठमाडौं । एनएमबि बैंकले संस्थापक शेयरधनीको नाममा रहेको १ लाख २३ हजार ३२४ कित्ता संस्थापक शेयर बिक्रीमा ल्याएको छ ।
हाललाई यो शेयर बैंकका विद्यमान संस्थापक शेयरधनीले मात्रै खरिद गर्न पाउनेछन् ।
इच्छुक संस्थापक शेयरधनीले ३५ दिनभित्र बबरमहल काठमाडौंमा रहेको कम्पनी सचिवको कार्यालयमा निवेदन दिनुपर्नेछ ।
साथै, तोकिएको समयभित्र खरिद आवेदन नपरेको खण्डमा सो शेयर सर्वसाधारणका लागि बिक्री गरिने बैंकले जनाएको छ ।