शनिबार ५ असोज, २०८१ | Saturday Sep 21, 2024
काठमाडौं । हाल देशभर आंशिकदेखि साधारणतया बदली रहेको छ ।
मनसुनी वायुको प्रभाव रहँदा कोशी र लुम्बिनी प्रदेशका एक-दुई स्थानमा हल्का वर्षा भइरहेको छ ।
जल तथा मौसम विज्ञान विभागका अनुसार आज दिउँसो देशभर आंशिकदेखि साधारणतया बदली रहनेछ ।
सबै प्रदेशका थोरै स्थानमा चट्याङसहित हल्कादेखि मध्यम वर्षाको सम्भावना छ ।
त्यस्तै कोशी प्रदेशका पहाडी भू-भागका एक-दुई स्थानमा भारी वर्षासमेत हुन सक्ने विभागले जनाएको छ ।
त्यसैगरी राति कोशी, मधेश, बागमती र गण्डकी प्रदेशलगायत देशका पहाडी भू-भागमा आंशिकदेखि साधारणतया बदली रही बाँकी भू-भागमा आंशिक बदलीदेखि मुख्यतया सफा रहनेछ ।
विभागका अनुसार कोशी, बागमती र कर्णाली प्रदेशका थोरै स्थानमा तथा बाँकी प्रदेशका एक-दुई स्थानमा चट्याङसहित हल्कादेखि मध्यम वर्षाको सम्भावना छ ।
