मङ्गलबार ८ असोज, २०८१ | Tuesday Sep 24, 2024
काठमाडौं । गरिमा विकास बैंकले संस्थापक शेयरको बिक्री खुलाएको छ ।
बैंकले विभिन्न संस्थापक शेयरधनीको स्वामित्वमा रहेको ४ लाख २५ हजार १५६.६७ कित्ता शेयरको बिक्री खुलाएको हो ।
यसअघि बैंकले विद्यमान शेयरधनीले मात्रै खरिद गर्न पाउने गरी उक्त शेयर बिक्रीमा ल्याए पनि तोकिएको समयभित्र बिक्री हुन सकेको थिएन । सोही बिक्री नभएको शेयर सर्वसाधारणका लागि खुलाएको हो ।
यो शेयर जोकोही व्यक्ति वा संस्थाले खरिद गर्न सक्नेछन् ।
इच्छुक खरिदकर्ताले १५ दिनभित्र आवश्यक कागजातसहित बैंकको केन्द्रीय कार्यालय, लाजिम्पाट, काठमाडौंमा के कति कित्ता खरिद गर्ने हो सोको व्यहोरा खुलाई निवेदन दिनुपर्नेछ ।
