काठमाडौं । सानिमा क्यापिटलले लाभांश घोषणा गरेको छ ।
कम्पनीले गत आर्थिक वर्ष २०८०/८१ को नाफाबाट शेयरधनीलाई करसहित १२ प्रतिशतका दरले ३ करोड रुपियाँबराबरको नगद लाभांश वितरण गर्ने प्रस्ताव गरेको हो ।
लाभांश पारित गर्न कम्पनीले नवौं वार्षिक साधारणसभा पनि डाकेको छ ।
सभा कात्तिक २६ गते दिउँसो ४ बजेदेखि कम्पनीको रजिष्टर्ड कार्यालय काठमाडौंमा बस्नेछ ।
सभाले सञ्चालक समितिको वार्षिक प्रतिवेदन, लेखापरीक्षकको प्रतिवेदनसहित २०८१ असारसम्मको वासलात, हिसाब तथा नगद प्रवाह विवरण र सोही अवधिको वार्षिक वित्तीय विवरणमाथि छलफल गरी पारित गर्नेछ ।
त्यस्तै, चालू आवका लागि लेखापरीक्षक नियुक्ति र निजको पारिश्रमिक निर्धारण गर्ने, सञ्चालकहरूको बैठक भत्ता वृद्धि गर्ने, सञ्चालकहरूको नियुक्ति अनुमोदन गर्नेलगायतका एजेन्डा पनि रहेका छन् ।