शुक्रबार १६ कात्तिक, २०८१ | Friday Nov 01, 2024
काठमाडौं । अमेरिका भ्रमणमा रहेका अर्थमन्त्री विष्णु पौडेलले मिलेनियम च्यालेन्ज कर्पोरेसन (एमसीसी)की प्रमुख कार्यकारी अधिकृत एलिस अलब्राइटलाई भेटेका छन् ।
भेटमा एमसीसी कम्प्याक्ट एग्रिमेन्टअन्तर्गत गत वर्षदेखि कार्यान्वयन भएको परियोजना तथा अन्तरदेशीय प्रसारण लाइनका बारेमा छलफल भएको अर्थमन्त्रीको सचिवालयले जनाएको छ ।
त्यस्तै, पौडेलसँग अन्तर्राष्ट्रिय मुद्रा कोष (आईएमएफ)का उपकार्यकारी निर्देशक बो लीले पनि आजै भेटवार्ता गरेका छन् । त्यस असरमा उनीहरूबीच वित्तीय सहायता, परामर्श सेवा र प्राविधिक सहयोगबारे छलफल भएको जनाइएको छ ।
बो लीले नेपालको आर्थिक प्रगति सन्तोषजनक रहेको बताएका थिए । अर्थमन्त्रीका साथमा अर्थसचिव रामप्रसाद घिमिरे, नेपाल राष्ट्र बैंकका गभर्नर महाप्रसाद अधिकारी तथा अमेरिकाका कार्यवाहक नेपाली राजदूत कुमारराज खरेल पनि सहभागी थिए ।
