शुक्रबार २३ कात्तिक, २०८१ | Friday Nov 08, 2024
काठमाडौं । सुर्खेतमा फोर्स ब्राण्डको गाडी गाडी दुर्घटना भएको छ । दैलेखबाट सुर्खेत जाँदै गरेको कर्णाली प्रदेश ००१ ख ९९८ नम्बरको गाडी सडकबाट करिव सय मिटर तल खस्दा चार जनाको मृत्यु भएको छ भने २६ जना घाइते भएका छन् ।
वीरेन्द्रनगर नगरपालिकाको रातानाङ्लामा शुक्रबार दिउसो भएको दुर्घटनाको खबर पाउनासाथ उद्दारका लागि प्रहरी टोली घटनास्थल पुगेको सुर्खेतका प्रमुख जिल्ला अधिकारी शंकरहरि आचार्यले सञ्चार माध्यमहरुलाई बताएका छन् ।
घटनास्थलबाट ३० जना यात्रुलाई उद्धार गरेर कर्णाली अस्पताल पठाइएकोमा चार जनाको मृत्यु भएको र बाँकीको उपचार भइरहेको जनाइएको छ । दुर्घटनाको कारण अनुसन्धान भइरहेको प्रहरीले जनाएको छ ।
