आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं । गायक राजु लामाले सर्वोच्च शिखर सगरमाथाको सफल आरोहण गरेका छन् । यसअघि उनले सगरमाथाको ६,५७४ मिटरको उचाइमा एकल कन्सर्ट गरेर विश्व कीर्तिमान बनाएका थिए ।
जलवायु परिवर्तनको असरबारे सन्देश दिन लामाले सगरमाथाको क्याम्प–२ र क्याम्प–३ बिचमा पुगेर एकल कन्सर्ट गरेर हुन् । त्यसपछि सगरमाथाको आरोहणको प्रयास गरेका उनले सोमबार बिहान ६ बजे सगरमाथा शिखर पुग्न सफल भएका हुन् ।
इमाजिन नेपाल ट्रेक्सका प्रबन्धक दावा शेर्पाले गायक लामाले सगरमाथाको सफल आरोहण गरेकोे जानकारी दिइन् । यसअघि कर्पोरेट नेपालसँग कुरा गर्दै लामाले सगरमाथाको त्यति उचाइमा साङ्गीतिक कार्यक्रम गर्न सहज नभए त्यहाँ पुगेर कन्सर्ट गरेको बताएका थिए ।
यसअघि लामाले लोबुचे पिकको सफल आरोहण गरेका थिए ।
