कुमारी जबले सञ्चालन गर्यो २४ दिने ‘प्रोफेसनल एचआर’ तालिम

काठमाडौं । कुमारी जबले नेपालका विभिन्न प्रतिष्ठित संस्थाका अनुभवि र दक्ष व्यक्तिहरुद्वारा ‘प्रोफेसनल एचआर ट्रेनिङ’ सम्पन्न गरेको छ । उक्त २४ दिने प्रशिक्षणमा विभिन्न संघ–संस्थामा कार्यरत अनुभवि व्यक्तित्वदेखि मानव संसाधनको क्षेत्रमा करियर बनाउन चाहने व्यक्तिहरुको सहभागिता रहेको थियो । 

शेर्पा हस्पिटालिटी ग्रुपका एचआर भाईस प्रेसिडेन्ट भुवनराज जोशी, लक्ष्मी ग्रुपका सहायक महाप्रबन्धक कृष्णबहादुर सिंह, डिस मिडिया नेटवर्कका एचआर एण्ड एडमिनिस्ट्रेशन हेड नेहा जोशी, माछापुच्छ्रे बैंकका ऋचा पाण्डे र एशियन पेन्ट्सका सुधीर ढुंगेललगायत अन्य प्रतिष्ठित संस्थानका अनुभवि व्यक्तित्वहरुद्वारा प्रशिक्षण प्रदान गरिएको थियो । 

समापन कार्यक्रममा एक सहभागीले संस्थानको हैसियतमा आफ्नो कर्मचारीहरुलाई कसरी राम्रो सेवा सुविधा दिन सकिन्छ र कर्मचारीहरुबाट पनि कसरी संस्थाले फाईदा लिन सक्छ भन्ने उद्देश्यका साथ प्रशिक्षणमा सहभागी भएको बताएका छन् । उनले प्रशिक्षणमा सहभागी भएर आफूले अहिले प्रचलित श्रम ऐन तथा नियमावलीको बारेमा पनि जानकारी पाएको बताए । 

त्यसैगरी, अर्का सहभागीले पायक पर्ने ठाउँँ र मिलनसार कर्मचारीहरुको सेवाले पनि प्रशिक्षण रमाइलो भएको बताए । प्रतिष्ठित संस्थाहरुबाट आई अनुभवी र दक्ष प्रशिक्षकहरुको प्रशिक्षण र अनुभवबाट अझै धेरै कुरा जान्न र बुझ्ने मौका मिलेको सहभागिहरुले बताएका छन् । सहभागीहरुका अनुसार प्रशिक्षण अन्तरक्रियामूलक, जानकारीमूलक र रमाइलो वातावरणमा सम्पन्न भएको थियो । 

सो तालिमको पहिलो ब्याचको बृहत सफलतापछि कुमारी जबले असार १४ गतेदेखि दोस्रो ब्याच पनि सञ्चालन गरिरहेको छ । इच्छुक व्यक्तिहरूले https://tinyurl.com/ytpuj4fr मा लगइन गरेर अथवा कुमारी जबको टेलिफोन नम्बरमा सम्पर्क गरेर आफ्नो सिट सुरक्षित गर्न सक्ने छन् । 

ह्युमन रिसोर्सको क्षेत्रमा आफ्नो क्षमता अभिवृद्धि गर्ने र त्यसमै करियर बनाउन चाहने व्यक्तिहरुको लागि यो तालिम कोशेढुङ्गा साबित हुनेछ । एचआर ट्रेनिङको साथसाथै कुमारीले समय–समयमा लेखा परिक्षण, एक्सेल, डिजिटल मार्केटिङ जस्ता विषयहरुमा पनि प्रशिक्षण दिदैँ आएको छ ।