आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं। पर्वतारोही पासाङ ल्यामु शेर्पा अकिता पाकिस्तानमा रहेको नङ्गा पर्वत (८,१२५ मिटर)को सफल आरोहण गर्ने पहिलो नेपाली बनेकी छन् । उनी पहिलो नेपाली महिला पर्वतारोहण गाईड पनि हुन् ।
विश्वको नवौं अग्लो तथा ८,१२५ मिटर अग्लो नङ्गा पर्वतको शेर्पाले पाकिस्तानको समय अनुसार शुक्रबार बिहान ५ बजेर ५० मिनेटमा आरोहण गरेको पायोनियर एड्भेन्चर ट्रेक्सका अध्यक्ष पासाङ शेर्पाले जानकारी दिए ।
उनका अनुसार आरोही शेर्पा धवलागिरि र केटु हिमाल आरोहण गर्ने पहिलो महिला बनेकी थिइन् । उनले सगरमाथा, अमा दब्लम, ल्होत्से, कञ्चनजंगा, अन्नपूर्ण, मकालु र लोबुचे लगायतका हिमाल आरोहण गरिसकेकी छन् ।
त्यस्तै शेर्पाको अब नेपालको मनास्लु, पाकिस्तानको गसेरब्रुम–२, ब्रोडपिक, गसेरब्रुम–१ र चीनको सिसापाङमा र चो ओयु हिमाल आरोहण गर्न बाँकी रहेको पायोनियर अध्यक्ष शेर्पाले बताए । आरोही शेर्पा विश्वका १४ वटा अग्ला शिखर आरोहण गर्ने लक्ष्यमा छिन् ।
