सोमबार १४ असोज, २०८१ | Monday Sep 30, 2024
काठमाडौं । नेपाल लघुवित्त बैंकर्स संघले बुधबार धादिङको धादिङवेशीमा विभिन्न लघुवित्त संस्थाहरुमा आवद्ध करिव ३०० जनाको उपस्थितीमा धादिङमा रहेको क्रिक रिसोर्टमा वित्तीय साक्षरता कार्यक्रम सम्पन्न भएको छ ।
उक्त संघका महासचिव रामवहादुर यादवको सभापतित्व तथा धादिङ क्षेत्र नं. २ का संघीय सासंद रामनाथ अधिकारीको प्रमुख आतिथ्य रहेको थियो ।
प्रमुख अतिथि अधिकारीले लघुवित्त संस्थाहरुले महिला दिदीवहिनीहरुलाई परनिर्भरतावाट छुटकारा दिएको र गाउँगाउँमा गई समूहमा आवद्ध गराई कार्यक्रम सञ्चालन गर्ने भएकाले यसको उद्देश्य राम्रो भएको बताए ।
यसैगरी संघका महासचिव यादवले लघुवित्तको उदेश्य पवित्र रहेको र कहिकतै सुधार गर्नुपर्ने भए छलफल गरी सुधार गर्न तयार रहेको बताए ।
उक्त कार्यक्रममा संघर्ष समितिका महासचिव पे्रम विकले लघुवित्तमा केहि समस्या रहेको र त्यही सुधार गर्नका लागि हामीले १२ बँुदे सम्झौता गरेको कुरा वताए ।
