सोमबार १४ असोज, २०८१ | Monday Sep 30, 2024
काठमाडौँ । संघीय संसद्अन्तर्गत आज विधायन व्यवस्थापन समितिको बैठक बस्दैछ ।
दिउँसो ३ बजे बस्ने बैठकमा मिडिया काउन्सिल विधेयक, २०८१ माथि दफावार छलफल हुने कार्यसूची रहेको छ ।
आजै संसदीय सुनुवाइ समितिको संयुक्त बैठक बस्नेछ । बैठक दिउँसो १ बजेका लागि बोलाइएको छ ।
बैठकमा प्रधानन्यायाधीश र प्रस्तावित राजदूतहरुका सम्बन्धमा प्राप्त उजुरी तथा सूचना खोली वितरण र छलफल गर्ने कार्यसूची छ ।
त्यस्तै, प्रधानन्यायाधीश र प्रस्तावित राजदूतले पेश गरेको कार्ययोजना समितिका सदस्यहरूलाई वितरण गर्ने तथा उनीहरूको संसदीय सुनुवाइ प्रक्रिया अगाडि बढाउने कार्यसूची छ ।
साथै, सर्वोच्च अदालतका प्रस्तावित न्यायाधीशहरुको सुनुवाइ पनि समितिले सुरु गर्नेछ ।
