आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं। बीमा क्षेत्रमा पहिलो मर्जरको रेकर्ड बनाउन सफल हिमालयन एभेरेष्ट इन्स्योरेन्सले बुधबार आफ्नो २९ औं वार्षिक साधारण सभा सम्पन्न गरेको छ । कम्पनीले यो मर्जरपछिको पहिलो साधारणसभा हो ।
हिमालयन जनरल र एभरेष्ट इन्स्योरेन्स मिलेर गत साउन १ गते एकीकृत कारोबार सुरु गरेका थिए । कम्पनीको साधारणसभाले सर्वसाधारण शेयरधनीको तर्फबाट अजयरत्न स्थापित र हेमराज थापालाई संचालकमा चयन गरेको छ भने संस्थापक शेयरधनीको तर्फबाट महेन्द्रकृष्ण श्रेष्ठ, विजितकृष्ण श्रेष्ठ र भारती पाण्डेलाई चयन गरेको छ ।
सभाले गत आर्थिक वर्षको मुनाफाबाट शेयरधनीलाई चुक्ता पुँजीको २.७५ प्रतिशत बोनस शेयर र कर प्रयोजनका लागि ०.१४ प्रतिशत नगद लाभांश पारित गरेको छ । साधारण सभाले गत आव २०७८–७९ को वार्षिक प्रतिवेदन, वासलात, नाफा नोक्सान हिसाब तथा नगद प्रवाह लगायतका वित्तीय विवरणमाथि छलफल गरी पारित गरेको छ ।
सभामा शेयरधनीहरुले मर्जरमा गएका बीमा कम्पनीहरुले दोहोरो अंकको लाभांश दिनुपर्ने आवाज उठाएका थिए । उनीहरुले लाभांशमा अब आशा मात्र देखाउने भन्दा पनि प्रतिवद्धता आवश्यक रहेको बताए ।
