आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं । आगामी आर्थिक वर्ष २०८०/८१ को बजेट सार्वजनिक भएसँगै व्यवसायीहरु उत्साहित भएका छन् ।
कृषिको व्यवसायीकरण, लघु तथा साना उद्योग प्रवद्र्धन, सूचना प्रविधि तथा पर्यटन क्षेत्रका विकासमा केन्द्रित अधिकांश माग सरकारले समेटेको भन्दै व्यवसायीहरुले उत्साह व्यक्त गरे ।
नेपाल फलफूल थोक व्यवसाय संघ काठमाडौंका अध्यक्ष अम्मर बानियाँले सरकारले घोषण गरेको बजेट सकारात्मक रहेको प्रतिक्रिया दिए । उनले भने, ‘बजेट अनुसारको किसानहरुले ज्ञान, सिप प्रविधिको विकास गराउने हो भने यस बजेटले निकै ठूलो भुमिका खेल्ने छ ।’
त्यसैगरी नेपाल जुत्ता, चप्पल उत्पादन संघका अध्यक्षका नानीराज घिमिरेले जुत्ता, चप्पल व्यवसायीहरुका लागि बजेट सकारात्मक रहेको र कार्यान्वयन पक्ष हेर्न बाँकी रहेको बताए ।
यसैगरी नेपाल खुद्रा व्यापार संघका अध्यक्ष पवित्र बज्राचार्य सरकाले विकास क्षेत्रको लागि छुट्याएको बजेट सन्तोषजनक रहेको प्रतिक्रिया दिए । तर उनले भने, आजसम्म विनिनयोजन भएका बजेट लक्षित वर्गसम्म पुग्न पाएको छैन, यो नराम्रो पक्ष हो ।’
