शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । दुर्घटनाग्रस्त मनाङ एयरमा सवार छ जना मृतकहरुको शब प्राप्त भएको त्रिभुवन अन्तर्राष्ट्रिय विमानस्थल कार्यालयका प्रवक्ता टेकनाथ सिटौलाले जानकारी दिएका छन् ।
हिमाली दृश्यावलोकनका लागि गएको उक्त हेलिकप्टरका क्याप्टेन सिवी गुरुङ, बाँकी म्याक्सिकोका पर्यटकहरु छन् । पर्यटकहरुमा तीन महिला र दुई पुरुष छन् । ती पर्यटकहरुमा सिफुन्टेस जी फेरान्डो, गोन्जालेक अब्रिक, गोन्जालेज ओलासियो लुज, सिफुन्टेस जी माफिया जोस, रिङकोन स्मिल छन् ।
सोलुखुम्बुको लिखुपिके गाउँपालिका वडा नम्बर ५ लामजुरामा भएको दुर्घटनामा उद्दारका लागि दुई वटा हेलिकप्टर पठाइएको त्रिवि कार्यालयका प्रमुख प्रतापबाबु तिवारीले बताए । उनले मौसम खराबीका कारण दुर्घटनास्थलसम्म हेलिकप्टर पुग्न नसकेकाले नजिकै अवतरण गरेर बसेको बताए ।
उद्दारका लागि स्थानीयसहित सुरक्षा निकायका जनशक्तिलाई परिचालन गरिएको तिवारीले जानकारी दिए ।
