शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । ट्रेकिङ एण्ड टुर क्षेत्रमा कार्यरत श्रमिकहरुका लागि आज (सोमबार)देखि नयाँ पारिश्रमिक लागू भएको छ । ट्रेकिङ एजेन्सिज एसोसिएसन अफ नेपाल (टान) र संयुक्त पर्यटन ट्रेड यूनियन फोरम (जोटुफ)बीच गत जेठ २६ गते भएको सम्झौता अनुसार नयाँ पारिश्रमिक लागू भएको हो ।
सम्झौताअनुसार सगरमाथा, अन्नपूर्ण, लाङटाङ, डोल्पा, मकालु, कञ्चनजङ्घा, मनास्लु, धौलागिरी लगायतका पदयात्रा गन्तव्यहरुमा खटिने श्रमिकहरुको पारिश्रमिक वृद्धि गरिएको छ । नयाँ पारिश्रमिक दररेट कार्यान्वयन गर्न टानले आफ्ना सदस्य कम्पनीहरुलाई परिपत्र पनि गरेको छ ।
कस्को कति वृद्धि ?
– पथप्रदर्शक (गाइड) प्रतिव्यक्ति प्रतिदिन रु. ३,१००
– सहायक पथप्रदर्शक प्रतिव्यक्ति प्रतिदिन रु. २,५००
– सहयोगी पथप्रदर्शक प्रतिव्यक्ति प्रतिदिन रु. २,५००
– सहयोगी श्रमिक प्रतिव्यक्ति प्रतिदिन रु. २,४००
यस्तै, नेपाल एसोसिएसन अफ टुर एण्ड ट्राभल एजेन्ट्स (नाट्टा) र संयुक्त पर्यटन ट्रेड युनियन फोरमबीच गत चैत १० गते टुरिस्ट (टुर) गाइडको पारिश्रमिक वृद्धिको सम्झौता भएको थियो । वृद्धि गरिएको पारिश्रमिक दररेट यस्तो छः
ग्रुपको संख्या अंग्रेजी भाषा अन्य भाषाहरू
०१–०२ ३,०८० ३,७००
०३–०६ ३,९३० ४,७००
०७–१२ ४,२६० ५,१००
१३–२० ४,५८० ५,५००
२१ भन्दा माथि ४,९८० ५,९००
